ओमिक्रोन त्रास: सिक्किममा आयोजना हुने भनिएको ग्लोबल फिल्म फेस्टिभल स्थगित
eNewsnepal
Dec 7, 2021
२१ मंसिर, काठमाडौं ।
सिक्किममा डिसेम्बर १० देखि १४ सम्म आयोजना हुने भनिएको ग्लोबल फिल्म फेस्टिभललाई हालका लागि स्थगित भएको छ ।
कोरोनाभाइरसको नयाँ भेरिएन्ट ओमिक्रोन फैलन थालेसँगै सिक्किम सरकारले फेस्टिभललाई स्थगित गरेको हो ।
सिक्किम राज्यको संचार विभागले सूचना जारी गर्दै कोरोनाको नयाँ भेरिएन्टको कारण फेस्टिभल स्थगित गरिएको जानकारी दिएको छ । सुचनामा मुख्यमन्त्री प्रेमसिंह तामाङको अध्यक्षतामा बसेको उच्चस्तरीय बैठकले फेस्टिभललाई तत्कालको लागि स्थगित गर्ने निर्णय गरेको उल्लेख छ ।
उक्त फेस्टिभलमा भाग लिन दुईदर्जन नेपाली फिल्ममेकर र भुटानी निर्मातालाई निम्तो दिइएको थियो ।
मुम्बई र नेपाली चलचित्रकर्मीको फेष्टिभलमा सहभागी रहने तय भएको थियो ।
Facebook Comments