‘थिरिमाली’ मा स्वस्तिमाको आइटम डान्स
१ माघ, काठमाडौं ।
नेपाली अभिनेत्री स्वस्तिमा खड्का अभिनीत दक्षिण भारतीय साउथ इन्डियन चलचित्र ‘थिरिमाली’ को ट्रेलर सार्वजनिक भएको छ ।
२ मिनेट ४१ सेकेन्डको ट्रेलरमा अभिनेत्री स्वस्तिमाको आइटमको डान्स र अन्य झलक समेत देख्न सकिन्छ ।
नेपालको पोखरा, काठमाडौं, लुक्ला लगायतका स्थानमा समेत छायाङ्कन भएको ‘थिरिमाली’ को ट्रेलरमा नेपाली कलाकार माओत्से गुरुङलाई समेत देख्न सकिन्छ ।
भारतबाट नेपाल घुम्न आएको तीन साथीको कथा देखाउने यस चलचित्र राजीव शेट्ठीको निर्देशनमा निर्माण भएको छ ।
नेपालका सुन्दर दृश्यहरु समेत सोटिएको ट्रेलरमा लुक्ला विमानस्थलदेखि काठमाडौंको दृश्य देख्न सकिन्छ ।
हिन्दी, मलयालम, कन्नड, तमिल र तेलूगू भाषामा सार्वजनिक हुने बताइएको यस चलचित्रमा नेपााली कलाकारसँगै भारतीय कलाकारहरु विविन जर्ज, जोनी एन्टिवनी, सलिम कुमार, इनोसेन्ट, सोहन सीनुलाल, हरिश कणरण, अन्ना राजन लगायतका कलाकारको अभिनय छ ।
छायाँकंन सकिएको बताइएको उक्त चलचित्रको प्रदर्शन मिति भने तय हुन बाँकी छ ।
Facebook Comments