आमा बनिन् नायिका ऋचा शर्मा
eNewsnepal
Sep 8, 2021
काठमाडौं, २३ भदौं ।
केही समयअघि मात्रै कमेडी च्याम्पियनको निर्णायकबाट बिदा लिएकी नायिका ऋचा शर्मा आमा बनेकी छिन् ।
पहिलो सन्तानका रूपमा ऋचा गएराति छोरालाई जन्म दिएकी हुन् ।
उनले छोरालाई जन्म दिएको कमेडी च्याम्पियनको आधिकारिक पेजमार्फत बधाई दिइएको छ। ऋचा आमा बनेपछि कलाकारहरुले समाजिक सञ्जालमार्फत बधाई दिएका छन् । अभिनेत्री केकी अधिकारीले पनि कमेडी च्याम्पियनको उक्त पोस्ट सेयर गर्दै बधाई दिएकी छिन् ।
ऋचाले केही समय अघि आयोजित एक कार्यक्रममा आफूले आफ्नो ९ महिनाको गर्भावस्था निकै रमाइलो भएको बताएकी थिइन् ।
ऋचाले दुई वर्ष अघि दिपेक्षविक्रम राणासँग विवाह गरेकी थिइन् ।
Facebook Comments