निर्देशक सुदर्शनले गरे समाचार वाचिका सुप्रियासँग इन्गेजमेन्ट
काठमाडौं, २१ भदौं ।
निर्देशक सुदर्शन थापाले मोडल तथा सञ्चारकर्मी सुप्रिया कटवालसँग इन्गेजमेन्ट गरेका छन् ।
विगत एक बर्ष प्रेममा रहेका सुदर्शन र सुप्रियाले सोमबार लाजिम्पाटस्थित होटल र्याडिसनमा पारिवारिक माहौलमा इन्गेजमेन्ट गरेका हुन् ।
सुदर्शनको जन्मदिनको अवसरमा भएको इन्गेज्मेन्ट समारोहमा सुदर्शन र सुप्रिया तर्फका सीमित परिवारका सदस्यको मात्र उपस्थिति रहेको थियो ।
नेपाली फिल्म क्षेत्रका सफल निर्देशक थापाले, ‘मेरो एउटा साथी छ’ बाट निर्देशनमा डेब्यु गरेका हुन् । त्यसपछि उनले ‘मधुमास, ‘प्रेमगीत’ ‘म यस्तो गीत गाउँछु’, ‘राम कहानी’ लगायत थुप्रै हिट फिल्मका निर्देशक गरेका छन् ।
सुप्रियाले पनि म्युजिक भिडियो अभिनयपछि टेलिभिजनमा काम गर्न थालेकी हुन् । सुप्रिय एपीवान टेलिभिजनकी समाचारवाचिका हुन् । सुप्रियाले फिल्म ‘साढे सात’मा समेतअभिनय गरेकी छन् ।
सुदर्शन र सुप्रियालले आउँदो असोज २२ गते हिन्दू परम्परा अनुसार विवाह गर्ने बताइएको छ ।
Facebook Comments