बलिउड अभिनेता अक्षय कुमारलाई मातृ शोक
काठमाडौं, २४ भदौं ।
बलिउड अभिनेता अक्षय कुमारलाई मातृ शोक परेको छ ।
अक्षयकी आमा अरुणा भाटियाको मुम्बईको हिरानन्दानी अस्पतालमा उपचारका क्रममा ७७ वर्षको उमेरमा बुधबार बिहान निधन भएको हो ।
उनकी आमा विगत लामो समयदेखि बिरामी थिइन् । अक्षय कुमारले सामाजिक सञ्जालमार्फत आफ्नी आमाको निधनबारे जानकारी दिए । साथै अभिनेताले आमाको नाममा एउटा भावुक पोस्ट पनि सेयर गरेका छन् । आमाको निधनले आफूलाई असह्य पीडा दिएको उनले बताएका छन् ।
अक्षय कुमारको पोस्ट देखेपछि सबैले उनकी आमालाई भावपूर्ण श्रद्धाञ्जली अर्पण गरिरहेका छन् । प्रशंसक र बलिउड सेलिब्रिटीले अक्षय कुमारलाई सान्त्वना दिएका छन् ।
Facebook Comments