प्रसारणमा आयो ‘हिमालयन रोडिज’
२८ मंसिर, काठमाडौं ।
साहसिक टेलिभिजन रियालिटी शो ‘हिमालय रोडिज’को चौथो सिजन सोमबारदेखि प्रसारणमा आएको छ।
कार्यक्रम हरेक सोमबार बेलुकी ८ बजे हिमालय टेलिभिजनमा प्रसारण हुने छ । शो को पहिलो भागमा ‘पीआई’ राउण्ड प्रसारण भएको छ । पीआई राउण्डमा एक दर्जन प्रतिस्पर्धीले आफ्नो प्रस्तुति दिएका छन् । जसमा फिटनेस ट्रेनरदेखि राष्ट्रिय जिम्न्यास्टिक खेलाडीसम्म छन् ।
प्रसारण भएको पहिलो एपिसोडमा महिलाहरुको उपस्थिति पनि उत्साहजनक देखिएको छ ।
यस पटक डिजिटल अडिसनबाट प्रतिस्पर्धी छानेको शोका निर्देशक भने परिवर्तन भएका छन् । सिमोश सुनुवारले निर्देशन गर्ने शोको अन्य फर्म्याट भने पुरानै रहेको छ ।
शोका होस्ट रेमनदास श्रेष्ठ रहेका छन् भने ग्याङ लिडरहरू आशिष राना लाहुरे, अनुपविक्रम शाही, दिया मास्के र समन श्रेष्ठ छन् ।
Facebook Comments