एकैदिन चार हजार २२ जना संक्रमणमुक्त
काठमाडौं, २६ वैशाख ।
नेपालमा पछिल्ले २४ घण्टामा ४ हजार २२ जना कोरोमा संक्रमणमुक्त भएका छन् ।
स्वास्थ्य तथा जनसंख्या मन्त्रालयका अनुसार देशभरका विभिन्न स्थानमा गरि गत २४ घण्टामा चार हजार २२ जना संक्रमणमुक्त भएका हुन् । मन्त्रालयका अनुसार नेपालमा कोरोना संक्रमण निको हुने दर ७८ दशमलव ७ प्रतिशत रहेको छ ।
पछिल्लो २४ घण्टामा देशभरका प्रयोगशालामा गरिएको १८ हजार ७८७ जनाको पीसीआर र पाँच सय छ एन्टीजेन परीक्षणमा आठ हजार ८५० जनामा संक्रमण पुष्टि भएको हो ।
नेपालमा हाल ८८ हजार १६० जनामा भाइरसको सङ्क्रमण सक्रिय रहेका छन् ।
कोरोना संक्रमणबाट नेपालमा गत २४ घण्टामा ५२ जनाको मृत्यु भएको छ । विभिन्न मितिमा कोरोना संक्रमणका कारण मृत्यु भएका २६ जना गरी २४ घण्टामा ८८ जनाको निधन भएको तथ्यांक थप भएको छ ।
Facebook Comments