पछिल्लो २४ घण्टामा १६८ सङ्क्रमितको मृत्यु
eNewsnepal
May 12, 2021
काठमाडौं, २९ वैशाख।
नेपालमा कोरोनाभाइरसबाट पछिल्लो चौबीस घण्टामा १६८ सङ्क्रमितको मृत्यु भएको छ ।
स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले कोभिड-१९ सम्बन्धी पत्रकार सम्मेलनमा २४ घण्टामा नौ हजार २३८ जना सङ्क्रमित थपिएको बताए । उनले सोहि समयमा चार हजार ४४४ जना कोरोनामुक्त, देशभर १६८ जनाको मृत्यु भएको जानकारी दिए।
पछिल्लो २४ घण्टामा भएको मृत्यु मंगलबार भन्दा कम हो । मंगलबार हालसम्मकै सबैभन्दा बढी २२५ जना सङ्क्रमितको मृत्युको पुष्टि भएको थियो ।
कोरोना सङ्क्रमणबाट नेपालमा हालसम्म चार हजार २५२ जनाले ज्यान गुमाएका छन् ।
Facebook Comments