त्रिशुली नदीमा बस खस्दा ५ जनाको मृत्यु, २५ घाइते
जेठ ५, काठमाडौं ।
झापाको काकडभिट्टाबाट काठमाडौं आउँदै गरेको यात्रु बस आइतबार बिहान धादिङमा दुर्घटना हुँदा ५ जनाको मृत्यु भएको छ ।
ना ७ ख ४३८७ नम्बरको बस गजुरी नगरपालिका ६ बन्छेटार भन्ने स्थानबाट त्रिशूली नदीमा खस्दा २५ जना घाइते भएका छन् ।
दुर्घटनामा ४ जनाको घटनास्थलमै मृत्यु भएको भने एक जनाको उपचारका लागि लैजाँदै गर्दा बाटोमा मृत्यु भएको प्रहरीले जनाएको छ ।
दुर्घटनामा घाइते भएका २५ जनामध्ये ३ जनाको अवस्था गम्भीर छ । उनीहरुलाई उपचारका लागि काठमाडौं पठाइएको छ । अन्यको गजुरी, आदमघाट र गल्छीका अस्पताल तथा हेल्थपोष्टहरुमा उपचार भइरहेको छ ।
Facebook Comments