बलिउडकी चर्चित कोरियोग्राफर सरोज खानको निधन
१९ असार, काठमाडौं ।
बलिउडकी चर्चित कोरियोग्राफर सरोज खानको हृदयघातका कारण शुक्रबार निधन भएको छ ।
केही दिनदेखि बिरामी परेकी खानलाई सास फेर्न गाह्रो भएपछि मुम्बईको बान्द्रास्थित गुरु नानक अस्पतालमा लगिएको थियो । उपचारकै क्रममा ७१ वर्षीया खानको निधन भएको भारतीय सञ्चारमाध्यमले जनाएका छन् ।
करिब २ हजार फिल्ममा कोरियोग्राफी गरेकी खानले अन्तिम पटक कंगना रनावतको 'मणिकर्णिका' र 'कलंकु' का गीतमा कोरियोग्राफी गरेकी थिइन् ।
सन् १९७४ मा पहिलो पटक 'गीता मेरा नाम' बाट कोरोयोग्राफी सुरु गरेकी खानलले आफ्नो ४० वर्षे कोरियोग्राफी करियरमा ३ पटक नेशनल अवार्ड जितेकी थिइन् ।
शुक्रबार नै उनको अन्तिम संस्कार गरिने बताइएको छ । उनका एक छोरा र दुई छोरी छन् ।
Facebook Comments