कुलमानलाई सामाजिक सञ्‍जालले नै नियुक्ति दिएको होला : प्रवक्ता खतिवडा

कुलमानलाई सामाजिक सञ्‍जालले नै नियुक्ति दिएको होला :  प्रवक्ता खतिवडा
file photo

११ भाद्र, काठमाडौं । 
अर्थमन्त्री तथा सरकारका प्रवक्ता युवराज खतिवडाले नेपाल विद्युत प्राधिकरणको कार्यकारी निर्देशकमा कुलमान घिसिङलाई पुनर्नियुक्ति दिनेबारे मन्त्रिपरिषद् बैठकमा कुनै छलफल नभएको बताएका छन् । 

प्रवक्ता खतिवडाले सामाजिक सञ्‍जालमा आएका खबरबारे सरकारलाई जानकारी नभएको बताएका छन् । 

मन्त्रिपरिषद बैठकका निर्णय सार्वजनिक गर्न आयोजित पत्रकार सम्मेलनमा बिहीबार कुलमान घिसिङलाई नेपाल विद्युत् प्राधिकरणको कार्यकारी निर्देशकमा फेरि जिम्मेवारी दिएकोबारे प्रष्ट पार्न सोधिकएको प्रश्नको जवाफ दिँदै अर्थ एवं सूचना तथा सञ्चार प्रविधिमन्त्री खतिवडाले भने, 'उहाँलाई सामाजिक सञ्जालले नै नियुक्त दिएको होला, सरकारले दिएको छैन । सामाजिक सञ्जालले दिएको नियुक्ति सरकारलाई थाहा हुने कुरा भएन ।'