भारतीय अभिनेता पर्ल वी बलात्कारको आरोपमा पक्राउ
ऐजेन्सी, २२ जेठ।
चर्चित भारतीय टेलिभिजनकर्मी तथा अभिनेता पर्ल वी पुरीलाई प्रहरीले बलात्कारको आरोपमा पक्राउ गरेको छ।
पीडित महिला र उनको परिवारले पुरीविरुद्ध दिएको उजूरीका आधारमा शुक्रबार राति उनलाई प्रहरीले पक्राउ परेका हो।
अहिले उनलाई हिरासतमा राखी घटनाबारे अनुसन्धान भइरहेको अन्तराष्ट्रिय सञ्चारमाध्यमले जनाएका छन् ।
२०१३ बाट ‘दिल की नजर से खूबसुरत’ नामक धारावाहिक मार्फत पुरीले आफ्नो करियर सुरु गरेका थिए ।
पुरीले ‘नागार्जुन एक योद्धा’, ‘बेपनाह प्यार’, ‘नागिन ३’ र ‘ब्रम्हराक्षस २’ जस्ता धेरै धारावाहिकहरुमा अभिनय गरेका छन् । त्यस्तै बिग बोस १२ र १३ मा गेस्टका रुपमा समेत देखिएका थिए । उनी यसबाहेक ‘किचन च्याम्पियन ५’ र ‘खतरा खतरा खतरा’ जस्ता रियालिटी शोमा पनि सहभागी भएका थिए ।
पुरी आफ्नो संघर्ष, कामप्रतिको लगाव र समर्पणका लागि चिनिएका कलाकार हुन्।
Facebook Comments