थप ४९२८ जनामा कोरोना संक्रमण, २६ जनाको मृत्यु
काठमाडौं, १६ वैशाख ।
पछिल्लो २४ घण्टामा नेपालमा थप ४९२८ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका विभिन्न अस्पतालमा गरिएको १२ हजार ५९७ पीसीआर र ९६३ एन्टिजेन परीक्षणमा ४९२८ जनामा संक्रमण पुष्टि भएको हो । नेपालमा कुल सङ्क्रमितको संख्या ३ लाख १७ हजार ५३० पुगेको छ ।
कोरोना भाइरस संक्रमणबाट पछिल्लो २४ घण्टामा थप २६ जनाको मृत्यु भएको छ। तर पछिल्लो २४ घण्टामा रिपोर्ट प्राप्त भएको मृत्यु संख्या भने ३५ जना रहेको छ योसँगै नेपालमा कोरोना भाइरसको संक्रमणबाट मृत्यु हुनेको संख्या ३२४६ पुगेको छ ।
गत २४ घण्टामा ८८८ जना कोरोना जितेर निको भएका छन्।
हाल नेपालमा सक्रिय संक्रमितको संख्या ३४ हजार ११७ पुगेको छ । तीमध्ये होम आइसोलेसनमा ३० हजार ९१६ र संस्थागत आइसोलेसनमा ३ हजार २०१ जना रहेका छन् ।
Facebook Comments