बलिउड अभिनेत्री ज्याकलिन मुम्बई एयरपोर्टबाट पक्राउ
eNewsnepal
Dec 6, 2021
ऐजेन्सी, २० मंसिर ।
बलिउड अभिनेत्री ज्याकलिन फर्नान्डेज मुम्बई एयरपोर्टबाट पक्राउ परेकी छन्।
अभिनेत्री फर्नान्डेजलाई मनी लान्ड्रिङ मुद्दामा आइतबार विमानस्थलबाटै प्रहरीले पक्राउ गरेको हो । उनी एक शोका लागि दुबई जान लागेका बेला एयरपोर्टबाटै पक्राउ परेकी हुन् ।
भारतको प्रवर्तन निर्देशनालयले उनीविरूद्ध ‘लुक आउट नोटिस’ जारी गरेपछि उनी पक्राउ परेको भारतीय सञ्चारमाध्यमहरूले जनाएका छन् ।
अनुसन्धानको क्रममा केन्द्रीय एजेन्सीले सुकेश र अभिनेत्री ज्याकलिन फर्नान्डेजबीच आर्थिक लेनदेनको प्रमाण फेला पारेको थियो।
प्रहरीले उनलाई अनुसन्धान चलिरहेकाले विदेश जान रोकिएको बताएको छ।
Facebook Comments