शिल्पाको दाबी: ‘राजले पोर्न होइन इराटिक फिल्म बनाउँथे’

eNewsnepal Jul 25, 2021

काठमाडौं, १० साउन ।
नायिका शिल्पा सेट्टीले अस्लिल चलचित्रपोर्न बनाएको आरोपमा पक्राउ परेका आफ्ना श्रीमान् राज कुन्द्राको निर्दोष रहेको बयान दिएकी छिन् ।

भारतीय मिडियाका जनाए अनुसार, शिल्पाले प्रहरीसँगको बयानमा उनका श्रीमान् राज कुन्द्राले हटसट्स नामक एपमा पोर्न नभएर इराटिक चलचित्र बनाउने गरेको दाबी गरेकी छिन् ।

मुम्बई पुलिसको क्राइम ब्रान्चले शुक्रबार ६ घन्टा शिल्पा र उनका पति राज कुन्द्रालाई एकसाथ राखेर बयान लिएको थियो । शिल्पासँग सोधपुछ गर्नका लागि क्राइम ब्रान्चको टिम उनको घर पुगेको थियो । प्रहरीले राजलाई पनि सँगै लिएर गएको भारतीय मिडियाले उल्लेख गरेका छन् ।

प्रहरीसँग बयान दिने क्रममा शिल्पाले यो बिषयमा आफूलाई बचाउ गर्दै अलग राखेकी छिन् । उनले, पोर्न चलचित्र बनाउने कुरामा आफ्नो कुनै भूमिका नरहेको पनि स्पष्ट पारेकी छिन् ।

शिल्पाले यो बिषयमा राजका आफन्त प्रदिप बख्शीलाई दोषी ठहर्याएकी छिन् । शिल्पाले लण्डनमा बसोबास गर्ने प्रदिपले यो एप चलाइरहेको बताउँदै आफ्ना पति निर्दोष रहेको दाबी गरेकी थिइन् । शिल्पाले आफूलाई हटसट्समा चलचित्रहरु सार्वजनिक गर्ने गरेको बिषयमा कुनै पनि जानकारी नभएको पनि बयान दिएकी छिन् ।

यता हिरासतमा रहेका राज कुन्द्राले भने आफ्नो गिरफ्तारीको विरुद्धमा मुम्बइको उच्च न्यायलमा मुद्दा दायर गरेका छन् ।

राज पक्राउ परेपछि शिल्पाले केही दिन अगाडि मात्र राज कुन्द्राको कम्पनी ‘वियान इन्डस्ट्रिज’बाट राजिनामा दिएकी थिइन् ।

प्रहरीले शिल्पा यो घटनामा सहभागी छिन् या छैनन् भन्ने बिषयमा अनुसन्धान गरिरहेको छ ।