पछिल्लो २४ घण्टामा आठ हजार ९६० संक्रमित, पाँच हजार ५५ जना संक्रमणमुक्त
काठमाडौं, ३० वैशाख।
पछिल्लो २४ घण्टामा देशभर आठ हजार ९६० जनामा कोरोना भाइरस संक्रमण पुष्टि भएको छ । स्वास्थ तथा जनसंख्या मन्त्रालयका अनुसार १९ हजार ४७४ पीसीआर परीक्षण र ७७१ एन्टीजेन परीक्षण बाट आठ हजार ९६० जनामा कोरोना पुष्टि भएको हो ।
२४ घण्टामा ५ हजार ५५ जना कोरोना संक्रमणमुक्त भएका छन् । योसँगै निको हुनेको संख्या तीन लाख २१ हजार ५१८ पुगेको छ ।
मन्त्रालयका अनुसार गत २४ घण्टामा २१४ जनाको मृत्यु भएको छ । उक्त संख्या नेपाली सेनाले विभिन्न मितिमा शव व्यवस्थापन गरेको संख्यासमेत जोडर भएको हो ।
काठमाडौंमा २७३३, भक्तपुरमा ३४८ र ललितपुरमा ४८१ जना गरी उपत्यकामा तीन हजार ५६२ जना संक्रमित भएको मन्त्रालयले जनाएको छ ।
हालसम्म २७ लाख १२ हजार ५६२ पीसीआर परीक्षण भएको मन्त्रालयले तथ्यांकमा उल्लेख गरेको छ ।
Facebook Comments