गृहमन्त्री थापाको संयोजकत्वमा चन्द समूहसँग वार्ता टोली गठन
eNewsnepal
Mar 2, 2021
काठमाडौं, १८ फागुन ।
सरकारले नेत्रविक्रम चन्द समूहसँग वार्ता गर्न दुई सदस्यीय टोली गठन गरेको छ ।
वार्ताका माध्यमबाट नै समस्या समाधान गर्ने नेपाल सरकारको निर्णयानुरुप गृहमन्त्री रामबहादुर थापाका संयोजकत्वमा प्रधानमन्त्रीका परराष्ट्र सल्लाहकार डा राजन भट्टराई सदस्य रहेको दुई सदस्यीय वार्ताटोली आज गठन गरिएको हो ।
नेपाल सरकारका प्रवक्ता एवम् सञ्चार तथा सूचना प्रविधिमन्त्री पार्वत गुरुङले केही बेरअघि जारी गरेकाे प्रेस विज्ञप्तिमा वार्ताटोली गठन गरिएको जनाइएको छ ।
Facebook Comments