तिहारपछि चलचित्र ‘थेत्लङ्’ को अमेरिकामा विशेष प्रदर्शन हुने

eNewsnepal Sep 30, 2021

काठमाडौं, १४ असोज ।
लिम्बु जातीको एक परम्परा कथाको रुपमा उठाएको चलचित्र ‘थेत्लङ्’ को अमेरिकामा विषेश प्रदर्शन हुने भएको छ ।

किशोर सुब्बाको निर्देशन रहेको फिल्म ‘थेत्लङ्’ को विषेश प्रदर्शन अमेरिकामा हुने भएको हो ।

किराँत याक्थंङ् चुम्लुङ् अमेरिकाको विशेष पहलमा फिल्मको विशेष शो आयोजना हुन लागेको हो । १४ नोभेम्बर २०२१ फिल्मको विषेश शो ग्यालजुङ्ग हल युएसएमा राखिएको निर्देशक सुब्बाले बताए ।

ओपेरा क्रियशन्स प्रोडक्सनको ब्यानरमा निर्मित फिल्म सिक्किमका विभिन्न रमणीय स्थानमा छायाङ्कन गरिएको हो ।

फिल्ममा बिशाल सेनेहांड्, दिव्या लिम्बु, संगीता सम्बाहाम्फे, सोनु ताम्लिंङ्, शान्ति लिम्बु, शर्मिला यक्सो, हस्त लिबांड्, सागर केरुङ्ग, सुखवीर लिम्बु लगायतका कलाकारको अभिनय देख्न सकिन्छ । मनि ताम्लिङ् र विराज लिम्बु निर्माता रहेको फिल्ममा दिनेश लिम्बुको नृत्य, कुल्बा सुब्बाको संगीत छ ।