आवश्यक परे पार्टी आधिकारिकताका सबै प्रमाण निर्वाचन आयोगमा पेश गर्छौ: नेता नेपाल

मोरङ, १८ फागुन ।  
नेपाल कम्युनिष्ट पार्टी(नेकपा) दाहाल–नेपाल समूहका अध्यक्ष  माधवकुमार नेपालले प्रतिनिधिसभा विघटनविरुद्ध सडक सङ्घर्ष गर्ने सबैसँग मिलेर सरकार बनाइने जिकिर गरेका छन् । 

नेपाल प्रेस सङ्गठन मोरङद्वारा आयोजित पत्रकार सम्मेलनमा उनले बहुमत सदस्य आफूहरुका पक्षमा रहेको बताउदै गर्दै पार्टीका अधिकारिकता विषयमा समस्या नहुने बताए । 

नैतिकताको हिसाबले प्रधानमन्त्रीले राजीनामा दिएर मार्गप्रशस्त गर्नुपर्ने पूर्वप्रधानमन्त्री समेत रहेका नेपालले बताए। "निर्वाचन आयोगमा पार्टीको आधिकारिकताका विषयमा चिठ्ठी नै लेखेर पठाइसकिएको बताउँदै नेता नेपालले आवश्यक परेमा पार्टी आधिकारिकताका सबै प्रमाण पेश गरिने छ," नेपालले भने ।